Buyuk Britaniya energetika kompaniyalari mamlakat jiddiy gaz tanqisligiga duch kelsa, Yevropaga gaz yetkazib berishni to‘xtatadi. Bu haqda Financial Times xabar berdi.
Rossiya Yevropaga gaz eksportini to‘xtatib qo‘yish ehtimoli kuchayayotgan bir paytda, Britaniya Gollandiya va Belgiyaga gaz quvurlarni yopishni rejalashtirayotgani energiya bo‘yicha xalqaro hamkorlikka putur yetkazishi mumkin.
O‘zaro bog‘lovchi quvurlarni uzib qo‘yish Buyuk Britaniyaning favqulodda gaz rejasi bo‘yicha dastlabki chora-tadbirlardan biri bo‘lib, kelgusi oylarda Rossiyadan eksport kamaysa amalga oshiriladi.
Yevropa gaz kompaniyalari Buyuk Britaniyaga YI bilan hamkorlik qilish uchun murojaat qilib, agar uzoq muddat tanqislik yuzaga kelsa, konnektorlarning o‘chirilishi teskari natija berishi mumkinligi haqida ogohlantirdi.
Britaniya qishning qizg‘in pallasida qit’adan katta hajmdagi gaz import qiladi.
Men mamlakat hukumatiga o‘z rejasini qayta ko‘rib chiqishni tavsiya qilaman, chunki bu yozda qit’a uchun foydali bo‘lsa, qishda Buyuk Britaniya uchun ham foydali bo‘ladi, — dedi gazni uzatish tizimi operatorlari Yevropa tarmog‘i prezidenti Bart Yan Xevers.
Buyuk Britaniya favqulodda gaz taqchilligi rejasini sentabr oyida testdan o‘tkazadi. Milliy tarmoq rejaning har yili sinovdan o‘tkazilishini, so‘nggi rejalar Rossiya Yevropaga gaz eksportini cheklab qo‘yganligi sababli amalga oshirilishini bildirdi.
Boshqa favqulodda choralar yirik sanoat foydalanuvchilariga yetkazib berishni to‘xtatish va uy xo‘jaliklariga iste’molni kamaytirish uchun murojaat qilishni o‘z ichiga oladi.
Avvalroq Yevropa Rossiya gazidan butunlay voz kechishga tayyorlanayotgani haqida xabar berilgandi.
Izoh (0)