Буюк Британия энергетика компаниялари мамлакат жиддий газ танқислигига дуч келса, Европага газ етказиб беришни тўхтатади. Бу ҳақда Financial Times хабар берди.
Россия Европага газ экспортини тўхтатиб қўйиш эҳтимоли кучаяётган бир пайтда, Британия Голландия ва Бельгияга газ қувурларни ёпишни режалаштираётгани энергия бўйича халқаро ҳамкорликка путур етказиши мумкин.
Ўзаро боғловчи қувурларни узиб қўйиш Буюк Британиянинг фавқулодда газ режаси бўйича дастлабки чора-тадбирлардан бири бўлиб, келгуси ойларда Россиядан экспорт камайса амалга оширилади.
Европа газ компаниялари Буюк Британияга ЕИ билан ҳамкорлик қилиш учун мурожаат қилиб, агар узоқ муддат танқислик юзага келса, коннекторларнинг ўчирилиши тескари натижа бериши мумкинлиги ҳақида огоҳлантирди.
Британия қишнинг қизғин палласида қитъадан катта ҳажмдаги газ импорт қилади.
Мен мамлакат ҳукуматига ўз режасини қайта кўриб чиқишни тавсия қиламан, чунки бу ёзда қитъа учун фойдали бўлса, қишда Буюк Британия учун ҳам фойдали бўлади, — деди газни узатиш тизими операторлари Европа тармоғи президенти Барт Ян Хеверс.
Буюк Британия фавқулодда газ тақчиллиги режасини сентябрь ойида тестдан ўтказади. Миллий тармоқ режанинг ҳар йили синовдан ўтказилишини, сўнгги режалар Россия Европага газ экспортини чеклаб қўйганлиги сабабли амалга оширилишини билдирди.
Бошқа фавқулодда чоралар йирик саноат фойдаланувчиларига етказиб беришни тўхтатиш ва уй хўжаликларига истеъмолни камайтириш учун мурожаат қилишни ўз ичига олади.
Аввалроқ Европа Россия газидан бутунлай воз кечишга тайёрланаётгани ҳақида хабар берилганди.
Изоҳ (0)