АҚШнинг Техас штати Сан-Антонио шаҳрида полиция ичида 46 кишининг жасади бўлган юк машинасини топди, яна 16 киши машинадан чиқариб олинди ва шифохоналарга етказилди.
18 ғилдиракли юк машинасида одамлар кондиционерсиз ва сувсиз қолиб кетган. Аёллар, эркаклар ва ўсмирлар иссиқ уришдан вафот этган, деди Сан-Антонио ёнғин муҳофазаси бошлиғи Чарльз Худ.
Полиция юк машинасини Кинтана-роуд йўли бўйлаб темир йўл яқинидаги мавзелардан бирида топди. Хариталарга кўра, бу жой Мексика билан чегарадан 943 километр узоқликда жойлашган. Дастлабки версияга кўра, ҳалок бўлганлар муҳожирлар бўлган, дея таъкидлади маҳаллий WOAI телеканали терговга яқин манбага таяниб.
Республикачи Техас губернатори Грег Эббот юк машинасидан муҳожирларнинг жасадлари топилганини тасдиқлади. «Бу ўлимларга АҚШ президенти Жо Байденга жавобгар. Булар унинг очиқ чегаралар ҳақидаги ҳалокатли сиёсати оқибатидир», — деди у Twitter’даги постида.
Сан-Антонио полицияси бошлиғи Уильям Макманус ва шаҳар мери Рон Ниренбергнинг айтишича, тергов федерал ҳокимиятга топширилган.
АҚШнинг собиқ президенти, республикачи Дональд Трамп ўз ҳукмронлиги даврида «нол бағрикенглик» сиёсатини олиб борган эди, яъни ноқонуний муҳожирлар оилаларининг АҚШда топишишини ман қилган. У АҚШни Мексикадан ажратиб турувчи девор қурилиши учун бюджетдан пул ажратиш учун мамлакат жанубий чегарасида фавқулодда ҳолат эълон қилган.
Демократ Жо Байден АҚШ президенти бўлгач, Трампнинг муҳожирлар ҳақидаги фармонини ва фавқулодда ҳолатни бекор қилди, Пентагон девор қурилишини молиялаштиришдан бош тортди. Бундан ташқари, у Трамп Америка меҳнат бозорига таҳдид деб ҳисоблаган хорижликлар тоифаларининг мамлакатга киришига рухсат берди, сўнг Америка фуқаролигини олиш тартибини соддалаштиришга ваъда берди.
АҚШ президентининг хатти-ҳаракатлари Гондурас, Гватемала, Эквадордан келган кўп минглаб муҳожирлар «карвонлари» пайдо бўлишига олиб келди. 2021 йилнинг март ойидаёқ АҚШ Иммиграция хизмати Мексикадан келган ноқонуний муҳожирларни депортация қилишни бошлади.
Изоҳ (0)