Fransiya neft qazib oluvchi davlatlarni qora oltin narxining oshib borishi fonida ishlab chiqarish hajmini oshirishga chaqirdi, deya xabar beradi Fransiya OAVlari.
Le Parisien gazetasi 27-iyun kuni Fransiya ma’muriyatining Germaniyada bo‘lib o‘tgan G7 yig‘ilishida qilgan bayonotidan iqtibos keltirgan holda “Biz uchun neft ishlab chiqaruvchi mamlakatlarning alohida asosda ko‘proq neft qazib olishi zarur” deya yozadi.
Fransiya tomoni, shuningdek, neft yetkazib berish manbalarini Eron va Venesuela hisobidan diversifikatsiya (ishlab chiqarish samaradorligini oshirish, iqtisodiy foyda olish va bankrotlikdan qochish maqsadida mahsulot turlarini kengaytirish hamda sotish bozorlarini qayta yo‘naltirish, ishlab chiqarishning yangi turlarini o‘zlashtirish) qilish imkoniyatiga ham ishora qilgan.
Nashrning qayd etishicha, bu bayonot G7 Rossiyaga qarshi sanksiyalarni kuchaytirish va Rossiya neftiga jahon darajasida narx chegarasini belgilash imkoniyatlarini muhokama qilayotgan bir paytda aytilgan.
Izoh (0)