DDoS hujumlari Litva davlat soliq inspeksiyasi, aeroportlar va Tashqi ishlar vazirligining veb-saytlarini buzdi. Mas’uliyatni Litvadan Kaliningrad viloyati tranzitiga qo‘yilgan blokada olib tashlashni talab qilgan Killnet guruhi o‘z zimmasiga oldi. Bu haqda LRT nashri yozdi.
Boshqalar qatorida Litva davlat soliq inspeksiyasi (DSI) sayti ham ishlamay qolgan. Idoraning xabar berishicha, ular o‘zlarining axborot tizimlaridagi ishini “odatiy darajadagidan yuqori ulanishlar oqimi” qayd etilganidan keyin to‘xtatgan. DSI mijozlar ma’lumotlari xavfsizlikda ekanligiga ishontirgan, deb yozadi LRT. Hujum tufayli pasport va propiska berishda ham nosozliklar kuzatilmoqda, telefon xizmatlarini bajarib bo‘lmayapti.
“Litva aeroportlari” va biznesni boshqarish tizimlarini o‘rnatish va texnik xizmat ko‘rsatish bo‘yicha faoliyat yurituvchi BSS kompaniyasi saytida ham nosozliklar yuz bergan. BSS bunga DDoS hujumlari sabab bo‘lganligini tasdiqlagan.
Moskva vaqti bilan soat 15:50 holatiga ko‘ra, DSI, “Litva aeroportlari” va mamlakat TIV saytlari ishlamay qolgan. BSS veb-saytiga esa kirish mumkin bo‘lgan.
Hujum uchun javobgarlikni Rossiyaga aloqadorligini da’vo qiluvchi Killnet xakerlik guruhi o‘z zimmasiga oldi. 25-iyun kuni kechqurun Killnet videomurojaat yo‘llab, unda Litva hukumatiga murojaat qilgan.
Xakerlar agar Vilnyus Kaliningradga yuk tranzitini ochmasa, mamlakat axborot tizimlariga hujum uyushtirishlarini aytgan.
Izoh (0)