Turkiya Markaziy banki lirani asosiy foiz stavkasini oshirmasdan turib qo‘llab-quvvatlash maqsadida moliya institutlariga hisob raqamida katta miqdordagi xorijiy valyuta bo‘lgan kompaniyalarga lirada kredit berishni taqiqladi. Ushbu qarorga natijasida, lira 27-iyun kuni barqaror ravishda qimmatlashyapti, deya xabar berdi Bloomberg.
Markaziy bank 24-iyun kuni bozorlar yopilganidan so‘ng lirani qo‘llab-quvvatlash choralarini e’lon qildi. Banklar chet el valyutasidagi hisobi 15 million liradan (taxminan 900 ming dollar) oshgan va ushbu summa jami aktivlari yoki yillik sotish hajmining 10 foizidan ortig‘ini tashkil qilgan kompaniyalarga lirada kredit bera olmaydi. Umuman olganda, yangi qoida o‘n mingga yaqin kompaniyaga ta‘sir qiladi, chunki unda bir qator istisnolar mavjud, deya ta’kidlaydi Bloomberg manbasi.
Regulyatorning bunday qarori kompaniyalarni lirada yangi kreditlar olishi uchun xorijiy valyutani sotishga majbur qilishi kutilmoqda. Yangi choraning ta’siri “qattiq” bo‘ladi, biroq u qisqa muddatda, yirik eksportchi kompaniyalar o‘z balanslarini xorijiy valyutada qisqartirgandagina namoyon bo‘ladi, deydi Deutsche Bank iqtisodchilari.
Shuningdek, ko‘pchilik ekspertlarning fikricha, inflyatsiya 70 foizdan oshgan sharoitda Turkiya Markaziy banki asosiy foiz stavkasini oshirmasdan turib, lirani uzoq vaqtga mustahkamlay olmaydi.
Izoh (0)