Filippin dengizi tubida eng chuqur masofaga cho‘kib ketgan kema topildi. Bu haqda amerikalik tadqiqotchi Viktor Veskovo ma’lum qildi.
Ikkinchi jahon urushi davrida AQSH Harbiy-dengiz kuchlarining esminetsi bo‘lgan Sammy B. 1944-yil oktabr oyida Samar oroli yaqinidagi Leyte ko‘rfazida bo‘lib o‘tgan eng yirik dengiz jangi paytida yapon floti tomonidan cho‘ktirilgan.
“Exolokatsiya bo‘yicha mutaxassis Jeremi Morize bilan birgalikda men Limiting Factor suvosti apparatini Samuel B. Roberts kemasi (DE 413) tomon tushirib yubordim. Ular 6895 metr chuqurlikda, bu shu paytga qadar o‘rganilgan eng chuqurga cho‘kkan kemadir”, — deb yozdi Veskovo o‘zining Twitter sahifasida.
Tadqiqotchining ta’kidlashicha, kemaning burun qismi biroz shaklini yo‘qotgan, kema dengiz tubiga urilganda uning orqa qismi taxminan besh metrga ajralgan, biroq esminets o‘z yaxlitligini saqlab qolgan.
Izoh (0)