Germaniya gaz bo‘yicha favqulodda vaziyat tufayli Yevropada elektr energiyasi 2021-yildan beri eng yuqori darajaga ko‘tarildi. Bu haqda Bloomberg xabar bermoqda.
Berlin “Shimoliy oqim” orqali Rossiya gazi yetkazib berishni 60 foizga qisqartirganidan keyin bu hodisa ro‘y bermoqda.
Germaniyada kelasi yil uchun elektr energiyasi narxi Yevropa energiya birjasida payshanba kuni 3,6 foizga oshib, 1 MVt/soat uchun 254 yevroni tashkil etdi, bu olti oylik eng yuqori ko‘rsatkichdir.
Savdo ma’lumotlariga ko‘ra, ICE birjasida gazning iyul fyucherslari Moskva vaqti bilan soat 13:00 holatiga ko‘ra 7 foizga o‘sib, 1 MVt/soat uchun 136,6 yevrogacha yetdi.
Rossiyadan gaz yetkazib berishning qisqarishi tufayli talab oshgan ko‘mirning Yevropa narxlari 4 foizga oshib, bir tonna uchun 270 dollarni tashkil qildi.
Mart oyining oxirida Germaniya Rossiyadan energiya ta’minotida uzilishlar yuzaga kelgan taqdirda, “Gazning favqulodda rejasi”ning birinchi darajasini faollashtirdi. Keyin Moskva yetkazib berilgan gaz uchun rublda to‘lashni talab qildi.
Bu mamlakat sifatida bosib o‘tishimiz kerak bo‘lgan qiyin yo‘l bo‘ladi. Hozircha sezilmayotgan bo‘lsa ham, gaz inqirozidamiz, — dedi Germaniya Iqtisodiyot vaziri Robert Xabek.
Germaniya gaz omborlarini qishki isitish mavsumi oldidan to‘ldirish xavf ostida qolmoqda.
Avvalroq Yevropaning gaz uchun kurashi navbatdagi energiya tanqisligini keltirib chiqarishi mumkinligi haqida xabar berilgandi.
Izoh (0)