Германия газ бўйича фавқулодда вазият туфайли Европада электр энергияси 2021 йилдан бери энг юқори даражага кўтарилди. Бу ҳақда Bloomberg хабар бермоқда.
Берлин «Шимолий оқим» орқали Россия гази етказиб беришни 60 фоизга қисқартирганидан кейин бу ҳодиса рўй бермоқда.
Германияда келаси йил учун электр энергияси нархи Европа энергия биржасида пайшанба куни 3,6 фоизга ошиб, 1 МВт/соат учун 254 еврони ташкил этди, бу олти ойлик энг юқори кўрсаткичдир.
Савдо маълумотларига кўра, ИCЕ биржасида газнинг июль фьючерслари Москва вақти билан соат 13:00 ҳолатига кўра 7 фоизга ўсиб, 1 МВт/соат учун 136,6 еврогача етди.
Россиядан газ етказиб беришнинг қисқариши туфайли талаб ошган кўмирнинг Европа нархлари 4 фоизга ошиб, бир тонна учун 270 долларни ташкил қилди.
Март ойининг охирида Германия Россиядан энергия таъминотида узилишлар юзага келган тақдирда, «Газнинг фавқулодда режаси»нинг биринчи даражасини фаоллаштирди. Кейин Москва етказиб берилган газ учун рублда тўлашни талаб қилди.
Бу мамлакат сифатида босиб ўтишимиз керак бўлган қийин йўл бўлади. Ҳозирча сезилмаётган бўлса ҳам, газ инқирозидамиз, — деди Германия Иқтисодиёт вазири Роберт Хабек.
Германия газ омборларини қишки иситиш мавсуми олдидан тўлдириш хавф остида қолмоқда.
Аввалроқ Европанинг газ учун кураши навбатдаги энергия танқислигини келтириб чиқариши мумкинлиги ҳақида хабар берилганди.
Изоҳ (0)