Qatar Yevropani o‘zining suyultirilgan gazi bilan ta’minlashga tayyor

Qatar Yevropaning suyultirilgan gaz xaridini yigirma yil davomida cheklaydigan shartlarni ilgari surishni rejalashtirmoqda. Bu haqda Bloomberg xabar berdi.

Bu Ittifoqning emissiyalarni qisqartirishini qiyinlashtiradi, shuningdek, Rossiya yoqilg‘isiga qaramligini kamaytiradi.

Dunyodagi eng yirik LNG (suyultirilgan gaz) eksportchilaridan biri bo‘lgan Fors ko‘rfazi davlati Yevropa davlatlaridan uzoq muddatli shartnomalar imzolashni talab qilmoqchi.

Yaqinda Germaniyaning AQSH bilan 20 yillik LNG yetkazib berish bo‘yicha kelishuvi Qatarning o‘z talablarini bajarish uchun zaxirasini kuchaytirdi.

Biroq yevropaliklar uchun Qatar takliflari juda keskin, bu esa xaridorlarga AQSH shartnomalaridan farqli o‘laroq, yetkazib berishni o‘zgartirish imkoniyatini bermaydi. Import muddati bo‘yicha muzokaralar mart oyidan beri boshi berk ko‘chada.

Germaniya boshchiligidagi Yevropa davlatlari Qatarning bosimiga qarshilik ko‘rsatmoqda, chunki bu shartnomalarning qat’iyligi tufayli mintaqa qazib olinadigan yoqilg‘ilarni import qilishni davom ettirishiga to‘g‘ri keladi.

Agar Qatar taslim bo‘lmasa, Yevropaning Rossiyadan gaz yetkazib berishni diversifikatsiya qilish imkoniyatini xavf ostiga qo‘yadi, chunki Yaqin Sharq davlati Osiyo kabi boshqa mintaqalarda ko‘proq bitimlar imzolashi mumkin.

Ukrainadagi urush ortidan Yevropa qit’aning eng yirik yetkazib beruvchisi bo‘lgan Rossiyada gaziga muqobil variant topishga shoshilmoqda.

Kelgusi besh yil ichida ishlab chiqarishni oshirish uchun o‘nlab milliard dollar sarmoya kiritadigan Qatardan LNG importi ushbu yechimning asosiy qismi bo‘lishi mumkin.

Qatar va AQSHdan tashqari, keyingi o‘n yil ichida yetkazib berishni sezilarli darajada oshiradigan yana bir qancha boshqa LNG eksportchilari bor.

Ammo 2030-yilgacha Yevropaning LNG’ga bo‘lgan talabi keskin oshishi kerak, Qatar esa o‘zining yirik LNG kengaytirish rejasini qo‘llab-quvvatlash uchun mijozlarni jalb qilishni rejalashtirmoqda.

Avvalroq Yevropaning gaz uchun kurashi navbatdagi energiya tanqisligini keltirib chiqarishi mumkinligi haqida xabar berilgandi.