O‘zbekistonning umumiy tashqi qarzi 2022-yil boshiga nisbatan 1,8 foizga yoki 721,5 mln dollarga qisqardi. Bu haqda “Daryo”ga Markaziy bank hisobotidan ma’lum bo‘ldi.
Joriy yilning 1-aprel holatiga ko‘ra davlat tashqi qarzi 38,8 mlrd dollarni tashkil qildi. 2021-yilda O‘zbekistonning tashqi qarzi 39,6 mlrd dollar edi.
Tashqi qarz davlat hissasiga ham, xususiy sektor hissasiga ham to‘g‘ri keladi. Birinchisi 23,4 mlrd dollarni tashkil qilsa, ikkinchisi – 15,5 mlrd dollar.
Davlat qarzi 1,5 foizga kamaydi. Xususiy sektorniki esa 2 foizga qisqargan. Uning asosiy qismi kreditlar va bank qarzlari, neft va gaz, energetika va tog‘-kon metallurgiya kompaniyalariga to‘g‘ri keladi.
Shu tariqa O‘zbekistonning tashqi qarzi 2013-yildan beri ilk marta kamaydi (ungacha ma’lumotlar berilmagan).
1-aprel holatiga ko‘ra, O‘zbekistonning chet el valyutasidagi aktivlari 69,9 mlrd dollarga, tashqi majburiyatlarining hajmi esa 52,9 mlrd dollarga teng bo‘ldi.
Avvalroq O‘zbekiston davlat qarzining bir qismi so‘mdagi qarzga o‘girilgani haqida xabar berilgan edi.
Izoh (0)