Ўзбекистоннинг умумий ташқи қарзи 2022 йил бошига нисбатан 1,8 фоизга ёки 721,5 млн долларга қисқарди. Бу ҳақда «Дарё»га Марказий банк ҳисоботидан маълум бўлди.
Жорий йилнинг 1 апрель ҳолатига кўра давлат ташқи қарзи 38,8 млрд долларни ташкил қилди. 2021 йилда Ўзбекистоннинг ташқи қарзи 39,6 млрд доллар эди.
Ташқи қарз давлат ҳиссасига ҳам, хусусий сектор ҳиссасига ҳам тўғри келади. Биринчиси 23,4 млрд долларни ташкил қилса, иккинчиси – 15,5 млрд доллар.
Давлат қарзи 1,5 фоизга камайди. Хусусий секторники эса 2 фоизга қисқарган. Унинг асосий қисми кредитлар ва банк қарзлари, нефть ва газ, энергетика ва тоғ-кон металлургия компанияларига тўғри келади.
Шу тариқа Ўзбекистоннинг ташқи қарзи 2013 йилдан бери илк марта камайди (унгача маълумотлар берилмаган).
1 апрель ҳолатига кўра, Ўзбекистоннинг чет эл валютасидаги активлари 69,9 млрд долларга, ташқи мажбуриятларининг ҳажми эса 52,9 млрд долларга тенг бўлди.
Аввалроқ Ўзбекистон давлат қарзининг бир қисми сўмдаги қарзга ўгирилгани ҳақида хабар берилган эди.
Изоҳ (0)