Energiya inqirozi tufayli Germaniya yana ko‘mir yoqilg‘isiga qaytmoqda

Germaniya ko‘mir zavodlarini qayta tiklash orqali Rossiya gazining qisqarishiga javob bermoqda, bu uchun taxminan 15,8 mlrd dollar sarflaydi. Bu haqda Bloomberg xabar berdi.

Ushbu chora-tadbirlar to‘plami Rossiya Yevropaga gaz yetkazib berishni to‘xtatganidan bir necha kun o‘tib e’lon qilindi.

Bu qo‘l jangining bir turi bo‘lib, Putinning qo‘li hozircha uzunroq. Ammo biz kuchliroq qo‘lga erisha olmaymiz degani emas, — dedi Germaniya iqtisodiyot vaziri Robert Xabek.

Germaniyaning ko‘mirdan bosqichma-bosqich voz kechishini tezlashtirishga intilgan Shols ma’muriyati gaz iste’molini kamaytirish va keraksiz zaxiralarni saqlashda foydalanish uchun sanoatni rag‘batlantirish ustida ishlamoqda.

Germaniya Iqtisodiyot vazirligiga ko‘ra, zaxiralarni to‘ldirish uchun kredit liniyalari davlat kreditori KfW tomonidan taqdim etiladi.

Hukumat dasturning hajmi to‘g‘risida darhol ma’lumot bermagan bo‘lsa-da, u Germaniya gaz ombori quvvatining taxminan 57 foizini tashkil qiladi. Obyektlarni to‘ldirish uchun zarur bo‘lgan quvvat mamlakatga taxminan 15,8 mlrd dollarga tushadi.

Ukrainada urush boshlanganidan beri Germaniya embargoga tayyorlanib, mumkin bo‘lgan ta’minot tanqisligini qoplash uchun resurslardan foydalangan.

Yevropaning eng yirik iqtisodiyoti — Germaniyaning gazga bo‘lgan ehtiyoji 35 foiz Rossiyaga qaramligicha qolmoqda.

Hozirda ta’minot xavfsizligi kafolatlangan, ammo vaziyat jiddiy, — dedi Xabek.

Elektr ishlab chiqarishda ko‘proq ko‘mir yoqish uchun huquqiy asosni ta’minlaydigan qonun loyihasi parlamentda ishlab chiqilgan bo‘lib, u 8-iyul kuni yuqori palatadagi muhokamalardan keyin kuchga kirishi kerak.

Avstriyada davlat nazorati ostidagi Verbund kompaniyasiga yakshanba kuni kechqurun Mellach ko‘mir yoqadigan stansiyasini ishga tayyorlashga buyruq berildi.

Vena shahridan 200 kilometr janubda joylashgan zavod ikki yil oldin yopilgan va bu o‘sha paytda Avstriyani ko‘mirni elektr tarmog‘idan butunlay chiqarib tashlagan ikkinchi Yevropa davlatiga aylantirgan edi.

Ko‘mirni qayta tiklash og‘riqli jarayon, ammo hozirgi vaziyatda bu gaz iste’molini kamaytirish uchun zarur, — dedi Xabek.

Avvalroq Germaniya hukumati gaz omborlarini to‘ldirish uchun 15 mlrd yevro ajratayotgani haqida xabar berilgan edi.