Энергия инқирози туфайли Германия яна кўмир ёқилғисига қайтмоқда

Германия кўмир заводларини қайта тиклаш орқали Россия газининг қисқаришига жавоб бермоқда, бу учун тахминан 15,8 млрд доллар сарфлайди. Бу ҳақда Bloomberg хабар берди.

Ушбу чора-тадбирлар тўплами Россия Европага газ етказиб беришни тўхтатганидан бир неча кун ўтиб эълон қилинди.

Бу қўл жангининг бир тури бўлиб, Путиннинг қўли ҳозирча узунроқ. Аммо биз кучлироқ қўлга эриша олмаймиз дегани эмас, — деди Германия иқтисодиёт вазири Роберт Хабек.

Германиянинг кўмирдан босқичма-босқич воз кечишини тезлаштиришга интилган Шольц маъмурияти газ истеъмолини камайтириш ва кераксиз захираларни сақлашда фойдаланиш учун саноатни рағбатлантириш устида ишламоқда.

Германия Иқтисодиёт вазирлигига кўра, захираларни тўлдириш учун кредит линиялари давлат кредитори KfW томонидан тақдим этилади.

Ҳукумат дастурнинг ҳажми тўғрисида дарҳол маълумот бермаган бўлса-да, у Германия газ омбори қувватининг тахминан 57 фоизини ташкил қилади. Объектларни тўлдириш учун зарур бўлган қувват мамлакатга тахминан 15,8 млрд долларга тушади.

Украинада уруш бошланганидан бери Германия эмбаргога тайёрланиб, мумкин бўлган таъминот танқислигини қоплаш учун ресурслардан фойдаланган.

Европанинг энг йирик иқтисодиёти — Германиянинг газга бўлган эҳтиёжи 35 фоиз Россияга қарамлигича қолмоқда.

Ҳозирда таъминот хавфсизлиги кафолатланган, аммо вазият жиддий, — деди Хабек.

Электр ишлаб чиқаришда кўпроқ кўмир ёқиш учун ҳуқуқий асосни таъминлайдиган қонун лойиҳаси парламентда ишлаб чиқилган бўлиб, у 8 июль куни юқори палатадаги муҳокамалардан кейин кучга кириши керак.

Австрияда давлат назорати остидаги Вербунд компаниясига якшанба куни кечқурун Меллач кўмир ёқадиган станциясини ишга тайёрлашга буйруқ берилди.

Вена шаҳридан 200 километр жанубда жойлашган завод икки йил олдин ёпилган ва бу ўша пайтда Австрияни кўмирни электр тармоғидан бутунлай чиқариб ташлаган иккинчи Европа давлатига айлантирган эди.

Кўмирни қайта тиклаш оғриқли жараён, аммо ҳозирги вазиятда бу газ истеъмолини камайтириш учун зарур, — деди Хабек.

Аввалроқ Германия ҳукумати газ омборларини тўлдириш учун 15 млрд евро ажратаётгани ҳақида хабар берилган эди.