Навоий биринчи, Сурхондарё охирги — қайси вилоят аҳоли жон бошига кўпроқ саноат маҳсулотларини ишлаб чиқармоқда?

Давлат статистика қўмитаси Ўзбекистоннинг 2022 йил январь—май ойларига кўра саноат ишлаб чиқариши ҳақида маълумот берди.

Унга кўра, ҳудудлар кесимида саноат ишлаб чиқаришининг жами ҳажмидаги энг юқори улуши Тошкент шаҳрига тўғри келиб, 18,2 фоизни, шунингдек, Тошкент вилояти 17,7 фоизни ҳамда Навоий вилояти эса 17,5 фоизни  ташкил этди.

Саноат ишлаб чиқаришда энг кам кўрсаткични Сурхондарё, Сирдарё ва Жиззах вилоятлари қайд этди. 

Ўзбекистонда аҳоли жон бошига саноат маҳсулотларини ишлаб чиқариш 5,5 млн сўмдан тўғри келмоқда. Бу борада энг юқори кўрсаткич санот корхоналарининг кўплиги сабабли Навоий вилоятида бўлмоқда — киши бошига 33,1 млн сўм. 

Кейинги поғоналарда Тошкент шаҳри (12,4 млн сўм) ва Тошкент вилояти (11,8 млн сўм) кўрсатилган.  

Бу борада энг паст кўрсаткич Сурхондарё (819 минг сўм), Наманган (2 млн сўм) ва Қашқадарёда (2,2 млн сўм) қайд этилган.

Аввалроқ Ўзбекистоннинг 2022 йил биринчи беш ойидаги иқтисодий ҳолати маълум бўлганди.