Bloomberg Billionaires Index ma’lumotlariga ko‘ra, jahon moliyaviy bozorlari yuqori foiz stavkalari va inflyatsiya tashvishi ostida og‘irlashgani sababli dunyodagi eng badavlat 500 kishi bu yil jami 1,4 trln dollar, jumladan, dushanba kuni 206 mlrd dollar yo‘qotdi.
Yo‘qotishlarga Xitoyning texnologiya kompaniyalariga qarshi tazyiqlari va qisman ko‘chmas mulk bozorining sovishi sabab bo‘ldi. Endi inflyatsiya tez sur’atlar bilan o‘zgarib bormoqda. Bu AQSH Federal rezervi stavkalarini qanchalik keskin oshirishi haqida xavotirlarni yuzaga keltiradi.
Shunga qaramay, pandemiya va dunyodagi siyosiy vaziyat iqtisodiy elitaga foyda keltirishda davom etadi.
AQSH, Yaponiya, Xitoy va Germaniya dunyodagi eng boy odamlar yashaydigan yetakchi davlatlar qatorida qolmoqda. Bu 4 davlatda dunyo bo‘ylab daromadli shaxslarning deyarli 64 foizi yashaydi.
Investitsiya qilinadigan aktivlari 30 mln dollar va undan ortiq bo‘lgan odamlarning boyliklari 2020-yilga nisbatan 9,6 foizga oshgan.
Ma’lumotlarga ko‘ra, keyingi ikki avlod davomida global boylikning 70 foizini ayollar meros qilib oladi.
Avvalroq dunyoning eng boy oilasi 19 milliard dollar yo‘qotgani haqida xabar berilgan edi.
Izoh (0)