Bloomberg Billionaires Index маълумотларига кўра, жаҳон молиявий бозорлари юқори фоиз ставкалари ва инфляция ташвиши остида оғирлашгани сабабли дунёдаги энг бадавлат 500 киши бу йил жами 1,4 трлн доллар, жумладан, душанба куни 206 млрд доллар йўқотди.
Йўқотишларга Хитойнинг технология компанияларига қарши тазйиқлари ва қисман кўчмас мулк бозорининг совиши сабаб бўлди. Энди инфляция тез суръатлар билан ўзгариб бормоқда. Бу АҚШ Федерал резерви ставкаларини қанчалик кескин ошириши ҳақида хавотирларни юзага келтиради.
Шунга қарамай, пандемия ва дунёдаги сиёсий вазият иқтисодий элитага фойда келтиришда давом этади.
АҚШ, Япония, Хитой ва Германия дунёдаги энг бой одамлар яшайдиган етакчи давлатлар қаторида қолмоқда. Бу 4 давлатда дунё бўйлаб даромадли шахсларнинг деярли 64 фоизи яшайди.
Инвестиция қилинадиган активлари 30 млн доллар ва ундан ортиқ бўлган одамларнинг бойликлари 2020 йилга нисбатан 9,6 фоизга ошган.
Маълумотларга кўра, кейинги икки авлод давомида глобал бойликнинг 70 фоизини аёллар мерос қилиб олади.
Аввалроқ дунёнинг энг бой оиласи 19 миллиард доллар йўқотгани ҳақида хабар берилган эди.
Изоҳ (0)