“KamAZ” avtomobil ishlab chiqaruvchisi O‘zbekiston bozoriga elektrobuslar yetkazib berishni rejalashtirgan. Bu haqda “TASS” xabar bermoqda.
Kompaniya O‘zbekistonga yuk mashinalarini yetkazib beradi. O‘zbekistonda “KamAZ” avtomarkazlari va yig‘ish liniyalari ochilgan va kompaniya avtobus va elektrobuslarini yetkazib berishni ham xohlamoqda, — deydi Tatariston rahbari Rustam Minnixanov.
Moskvadagi elektrobuslarning 80 foizi ‘‘KamaAZ’’ tomonidan ishlab chiqariladi.
O‘zbekistonda Tataristonning bir nechta yetakchi kompaniyalari faoliyat olib boradi. Xususan, “Tatneft” O‘zbekistonda o‘zining yoqilg‘i shoxobchalarini ochib ulgurgan.
Tataristonning O‘zbekiston bilan tovar aylanmasi hajmi o‘tgan yili, Minnixanovning so‘zlariga ko‘ra, 23,5 foizga oshib, 193 mln dollarni tashkil qilgan.
Avvalroq Toshkentda bir oyda elektrobus orqali qancha yo‘lovchi tashilgani ma’lum qilingandi.
Izoh (0)