Ukrainaning okkupatsiya qilingan hududlarida Rossiya kuni nishonlandi, Donbass uchun janglar davom etmoqda. Urushning 109-kunidan fotoreportaj
Urushning bir yuz to‘qqizinchi kuni o‘tdi. Rossiya hukumati Mariupol yuk portining minalardan tozalangani haqida xabar berib, Ukrainaga ushbu port orqali don eksport qilishni taklif qilmoqda. Donbass uchun kurash davom etmoqda. Okkupatsiya qilingan hududlarda Rossiya kuni nishonlandi. Meduza urushga oid 12-iyun suratlarini jamladi.
Mariupol
Shikast yetgan turar joy binosi vaqtinchalik elektr kabeli yordamida qisman yoritilmoqda. 12-iyun kuni Mariupol merining maslahatchisi Pyotr Andryushenkoning aytishicha, Rossiya kuchlari shikastlangan uylar “ikki hafta ichida snos qilinishi” haqida ogohlantirib, aholidan chiqib ketishni talab qilmoqda.Foto: “TASS”
Rossiya kemasi Mariupol yuk portida. Iyun oyi boshida Vladimir Putin Rossiyaning Ukrainadan g‘alla eksport qilinishiga xalal berayotgani haqidagi xabarlarni “uydirma” deb atadi va Ukraina rasmiylariga donni eksport qilish uchun Moskva bosib olgan portlardan, jumladan Mariupoldan foydalanishni taklif qildi.Foto: EPA
12-iyun kuni Rossiya kuchlari Mariupold yuk porti yaqinidagi plyajni tozalayotgan paytda suvda portlash yuz berdi. Rossiya mudofaa vaziri Sergey Shoyguning so‘zlariga ko‘ra, Mariupol va qo‘shni Berdyansk portlari allaqachon normal rejimda ishlamoqda.Foto: AFP
Melitopol
Melitopol aholisi Rossiya kunida markaziy maydonga yig‘ildi. Iyun oyida Zaporojye (shuningdek, Xerson) viloyatlari aholiga Rossiya pasportlarini berishni boshladi. Rossiya davlat matbuoti tomonidan mintaqadagi “harbiy-fuqarolik boshqaruvi bosh kengashi a’zosi” sifatida ta’riflangan Vladimir Rogovning aytishicha, oy boshida 70 mingdan ortiq odam Rossiya fuqaroligini olish uchun ariza topshirgan.Foto: “TASS”
Zaporojye viloyatining “yangi ma’muriyati” viloyatning Rossiya tarkibiga qo‘shilishi bo‘yicha referendum yil oxirigacha o‘tkazilishini da’vo qilmoqda.Foto: “TASS”
Nikolayev viloyati
Qurollarni sozlayotgan erkak.Foto: Reuters
Ukrainalik askar okoplarda yashovchi harbiy xizmatchilarning bolalari chizgan rasmlar yonida kartoshka tozalamoqda.Foto: Reuters
Foto: AFP
Donbass shimoli
Lisichansk yaqinida artilleriyadan o‘t ochishlar davom etmoqda.Foto: Reuters
LXR harbiy xizmatchisi Toshkovkadan chekinayotgan Ukraina Qurolli kuchlarining harbiy texnika karvoniga qarata o‘q uzmoqda.Foto: “TASS”
Bir tomondan ukrainalik harbiylar, ikkinchi tomondan Rossiya, DXR va LXR kuchlari o‘rtasida yuz bergan artilleriya otishmalari paytida yonib ketgan o‘t-o‘lanlar yonidan o‘tayotgan ayol.Foto: Reuters
Kiyev viloyati
Borodyanka posyolkasining o‘qqa tutilishi oqibatida vayron bo‘lgan bino.Foto: AP Photo
Izoh (0)