Украинанинг оккупация қилинган ҳудудларида Россия куни нишонланди, Донбасс учун жанглар давом этмоқда. Урушнинг 109-кунидан фоторепортаж
Урушнинг бир юз тўққизинчи куни ўтди. Россия ҳукумати Мариупол юк портининг миналардан тозалангани ҳақида хабар бериб, Украинага ушбу порт орқали дон экспорт қилишни таклиф қилмоқда. Донбасс учун кураш давом этмоқда. Оккупация қилинган ҳудудларда Россия куни нишонланди. Meduza урушга оид 12 июнь суратларини жамлади.
Мариупол
Шикаст етган турар жой биноси вақтинчалик электр кабели ёрдамида қисман ёритилмоқда. 12 июнь куни Мариупол мерининг маслаҳатчиси Пётр Андрюшенконинг айтишича, Россия кучлари шикастланган уйлар «икки ҳафта ичида снос қилиниши» ҳақида огоҳлантириб, аҳолидан чиқиб кетишни талаб қилмоқда.Фото: «ТАСС»
Россия кемаси Мариупол юк портида. Июнь ойи бошида Владимир Путин Россиянинг Украинадан ғалла экспорт қилинишига халал бераётгани ҳақидаги хабарларни «уйдирма» деб атади ва Украина расмийларига донни экспорт қилиш учун Москва босиб олган портлардан, жумладан Мариуполдан фойдаланишни таклиф қилди.Фото: EPA
12 июнь куни Россия кучлари Мариуполд юк порти яқинидаги пляжни тозалаётган пайтда сувда портлаш юз берди. Россия мудофаа вазири Сергей Шойгунинг сўзларига кўра, Мариупол ва қўшни Бердянск портлари аллақачон нормал режимда ишламоқда.Фото: AFP
Мелитопол
Мелитопол аҳолиси Россия кунида марказий майдонга йиғилди. Июнь ойида Запорожье (шунингдек, Херсон) вилоятлари аҳолига Россия паспортларини беришни бошлади. Россия давлат матбуоти томонидан минтақадаги «ҳарбий-фуқаролик бошқаруви бош кенгаши аъзоси» сифатида таърифланган Владимир Роговнинг айтишича, ой бошида 70 мингдан ортиқ одам Россия фуқаролигини олиш учун ариза топширган.Фото: «ТАСС»
Запорожье вилоятининг «янги маъмурияти» вилоятнинг Россия таркибига қўшилиши бўйича референдум йил охиригача ўтказилишини даъво қилмоқда.Фото: «ТАСС»
Изоҳ (0)