Ispaniyada iyun oyining birinchi choragida so‘nggi 20 yildagi eng issiq harorat kuzatildi, deb yozmoqda Reuters.
AEMET milliy meteorologiya boshqarmasi Sevilyadagi Gvadalkvivir vodiysi va unga yaqin joylashgan Kordova shahrida havo harorati Selsiy bo‘yicha 40 darajaga yetganini xabar qildi.
Sinoptiklar, shuningdek, Estremaduradagi Guadiana vodiysi va Ispaniya janubidagi boshqa hududlarda harorat Selsiy bo‘yicha 42 darajagacha ko‘tarilishi mumkinligidan ogohlantirdi.
AEMET sinoptiklarining ma’lumotlariga ko‘ra, Shimoliy Afrikadan kelayotgan iliq havo to‘lqini haroratning ko‘tarilishiga olib kelgan va jazirama harorat Ispaniyaning katta qismida 15-iyungacha davom etishi mumkin. Ispaniyada yoz rasman 21-iyundan boshlanadi. Sinoptiklar Ispaniyaning ayrim hududlarida kuchli shamol va bo‘ronlar yuz berishini bashorat qilmoqda.
Andalusiya, Aragon, Kastiliya-La-Mancha, Kastiliya-i- Leon, Kataloniya, Estremadura va Madrid mintaqalari ularda harorat 44 darajagacha ko‘tarilishi haqida ogohlantirilgan.
Gvadalkvivir, Taxo, Gvadiana va Ebro vodiylarida yanada issiq bo‘lishi kutilmoqda. Iliq shamollar Saharadan qumlarni uchirib keladi, bu esa ko‘rishning yomonlashishiga olib kelishi mumkin.
Izoh (0)