Xitoy poytaxti Pekindagi Chaoyan tumanining ko‘plab chet elliklar yashaydigan “nufuzli” qismida uzoq vaqtlardan buyon birinchi marta COVID-19 avj oldi, deb yozadi “RBK”.
“Bugungi kun holatiga kasallanishlarning 166 tasi Chaoyan tumanidagi barda COVID-19 avj olishi bilan bog‘liq”, — dedi mahalliy hukumat vakili Syuy Xetszyan.
Uning so‘zlariga ko‘ra, 13—15-iyun kunlari bu tumanda fuqarolardan koronavirusga nisbatan ommaviy test olish boshlanadi. Koronavirus avj olishi bilan bog‘liq joriy holat “jiddiy xususiyat”ga ega, deb qo‘shib qo‘ydi mansabdor.
Xitoyda yil boshidan buyon COVID-19 bilan kasallanish qaytadan avj olishi kuzatilmoqda. Xususan, 25 million aholi yashaydigan Shanxayda mart oxirida 3,4 ming kishi simptomsiz, 50 kishi simptomli kasallanishi qayd etilgan edi, bu uzoq vaqt ichidagi rekordga aylandi. Shundan keyin hukumat koronavirus avj olganini e’lon qilib, 28-mart kuni shaharda qat’iy lokdaun kiritildi.
Shaharning barcha aholisi qat’iy karantinga rioya qilishi kerak edi, ular faqat eng zarur buyumlarni kontaktsiz yetkazib berish xizmatlaridan foydalanishi mumkin bo‘ldi. Jamoat transportidan foydalanish taqiqlandi. Eng zarur mahsulotlarni ishlab chiqarish zavodlari va hayotiy faoliyatni ta’minlovchi korxonalar yopiq boshqaruv rejimiga o‘tib ishladi, qolganlari esa xodimlarini masofadan ishlashga o‘tkazdi. Cheklovlar may o‘rtalaridagina qisman olib tashlandi.
Izoh (0)