Qozog‘istonda og‘ir tan jarohati olgan O‘zbekiston fuqarosi vatanga qaytarildi

Qozog‘istonning Olmaota shahrida yuqoridan tushib ketib, og‘ir tan jarohati olgan o‘zbekistonlik vatanga qaytarildi, deb xabar beradi Tashqi mehnat migratsiyasi agentligi.

Ma’lum qilinishicha, ushbu fuqaro Olmaota shahrida qurilish ishlarida mehnat faoliyatini amalga oshirish davrida yuqoridan tushib ketish oqibatida og‘ir tan jarohati olib, shifoxonada yotqizilgan. O‘zbekiston fuqarosi bo‘lgan ushbu shaxsning qarindoshi Olmaotadagi Bosh konsulxonaga murojaat qilib, uni vatanga qaytarishni so‘ragan.

Murojaat tezkorlik bilan o‘rganilib, mas’ul tashkilot vakillari bilan hamkorlikda zarur hujjatlar rasmiylashtirilgach, maxsus avtomobilda shifokor hamrohligida O‘zbekistonga olib kelingan.

Avvalroq Krasnodarda ish beruvchi tomonidan hujjatlari olib qo‘yilib, maoshlari to‘lanmay kelgan o‘zbekistonliklarga yordam berilgandi.