Қозоғистоннинг Олмаота шаҳрида юқоридан тушиб кетиб, оғир тан жароҳати олган ўзбекистонлик ватанга қайтарилди, деб хабар беради Ташқи меҳнат миграцияси агентлиги.
Маълум қилинишича, ушбу фуқаро Олмаота шаҳрида қурилиш ишларида меҳнат фаолиятини амалга ошириш даврида юқоридан тушиб кетиш оқибатида оғир тан жароҳати олиб, шифохонада ётқизилган. Ўзбекистон фуқароси бўлган ушбу шахснинг қариндоши Олмаотадаги Бош консулхонага мурожаат қилиб, уни ватанга қайтаришни сўраган.
Мурожаат тезкорлик билан ўрганилиб, масъул ташкилот вакиллари билан ҳамкорликда зарур ҳужжатлар расмийлаштирилгач, махсус автомобилда шифокор ҳамроҳлигида Ўзбекистонга олиб келинган.
Аввалроқ Краснодарда иш берувчи томонидан ҳужжатлари олиб қўйилиб, маошлари тўланмай келган ўзбекистонликларга ёрдам берилганди.
Изоҳ (0)