“Liverpul” futbolchisi Muhammad Saloh Angliya professional futbolchilar assotsiatsiyasi (PFA) APLda mavsumning eng yaxshi futbolchisi deb topildi.
Saloh 2021/22-yilgi mavsumda “Tottenhem” a’zosi Son Hyon Min bilan birga chempionat to‘purariga aylandi. Misrlik futbolchi 35 ta o‘yinda 23 ta golga mualliflik qildi.
29 yoshli vinger faoliyati davomida ikkinchi marta ushbu sovrinni qo‘lga kiritdi. Ilk bor 2017/18-yilgi mavsumda Saloh mavsumning eng yaxshi futbolchisi deb topilgandi.
Mavsumning eng yaxshi yosh futbolchisi sovrini esa ketma-ket ikkinchi bor “Manchester Siti” yarim himoyachisi Fil Fodenga nasib etdi.
22 yoshli xavbek “shaharliklar” tarkibida Angliya chempioniga aylandi va Premyer Ligada 28 ta o‘yinda 9 ta gol urdi.
Izoh (0)