Xalqaro futbol federatsiyasi (FIFA) yarim himoyachi Bayron Kastilyoning hujjatlarini soxtalashtirgani sababli Ekvador terma jamoasini JCH—2022 musobaqasidan chetlatadi.
FIFA rahbariyati may oyida Chili futbol federatsiyasi tomonidan qilingan shikoyatdan so‘ng Kastilyoga nisbatan intizomiy ish ochgan edi. Chili tomonning fikricha, yarim himoyachi aslida Kolumbiyada tug‘ilgan va aslida hujjatda ko‘rsatilgan yoshidan 3 yoshga katta. Federatsiya Ekvador termasidan jamoalarning saralash bosqichidagi o‘zaro o‘yinlaridan (0:0, 0:2) bekor qilishi va 6 ochkodan mahrum etishini so‘ragan.
Chili manfaatlarini himoya qiladigan advokat Eduardo Karlesso matbuot anjumanida Kastilyoning tug‘ilganlik haqidagi guvohnomasi soxta ekanligiga dalil borligi, u o‘zi da’vo qilganidek Ekvadorda emas, balki Tumakoda (Kolumbiya) tug‘ilganini ta’kidladi.
“Ota-onasi Tumakoda turmush qurgan, Bayron ham Tumakoda tug‘ilgan. O‘zimizda mavjud bo‘lgan dalil va hujjatlarni aniq va shaffof tarzda taqdim etish asosiy maqsadimizdir. Haqiqatni gapiradigan odam hech qachon qo‘rqishi kerak emas” — deydi Karlesso.
Agar Chili federatsiyasining vajlari qabul qilinsa, FIFA Ekvador terma jamoasining Kastilyo ishtirok etgan 8 ta uchrashuvdagi ochkolaridan mahrum qiladi. Bu amalga oshsa, Chili terma jamoasi 2022-yilgi mundial ishtirokchisiga aylanadi.
FIFA 10-iyun kuni ushbu ish bo‘yicha qaror chiqarishi kutilmoqda.
Izoh (0)