Vazirlar Mahkamasining “O‘zbekiston Respublikasi mahalla va nuroniylarni qo‘llab-quvvatlash vazirligi faoliyatini tartibga soluvchi ayrim normativ-huquqiy hujjatlarni tasdiqlash to‘g‘risida”gi qarori qabul qilindi, deb xabar beradi Norma.
Qaror bilan Mahalla va nuroniylarni qo‘llab-quvvatlash vazirligi huzurida budjetdan tashqari “Obod va xavfsiz mahalla” jamg‘armasi tashkil etildi.
Hujjat bilan quyidagilar tasdiqlangan:
- Mahalla va nuroniylarni qo‘llab-quvvatlash vazirligi to‘g‘risidagi nizom;
- Mahalla va nuroniylarni qo‘llab-quvvatlash vazirligining “Obod va xavfsiz mahalla” jamg‘armasi to‘g‘risidagi nizom.
- vazirlikning maqomi, asosiy vazifalari va funksiyalari;
- vazirlikning tizimi, uning markaziy apparati va hududiy bo‘linmalarining asosiy vazifalari va funksiyalari;
- vazirlik, uning markaziy apparati va hududiy bo‘linmalarining huquqlari hamda javobgarligi;
- vazirlik, uning markaziy apparati va hududiy bo‘linmalari rahbar va xodimlarining asosiy funksional vazifalari hamda javobgarligi;
- vazirlik va uning hududiy bo‘linmalari faoliyatini moliyalashtirish, shuningdek, ularning xodimlari mehnatiga haq to‘lash va moddiy rag‘batlantirish tartibi;
- mahallalar faoliyatini qo‘llab-quvvatlash, ularning huquq va qonuniy manfaatlarini himoya qilish, mahalla tizimini rivojlantirish bo‘yicha takliflar ishlab chiqish;
- mahallalarning jamiyatdagi o‘rni va rolini kuchaytirish, aholi kundalik muammolari bilan ishlash va ta’sirchan jamoatchilik nazoratini amalga oshirishdagi mavqeini yuksaltirish;
- nuroniy va keksalarni mahallalarda oilalarni mustahkamlash, milliy va umuminsoniy qadriyatlarni asrab-avaylash, yoshlarni vatanga muhabbat, ezgulik va rahmdillik singari an’analarni hurmat qilish ruhida tarbiyalashga keng jalb etish;
- nuroniy va keksalarni qo‘llab-quvvatlash sohasiga oid qonunchilik hujjatlarining ijrosi, shu jumladan, hududlarda, ayniqsa, olis qishloqlarda keksa avlod vakillariga tibbiy-ijtimoiy xizmatlar ko‘rsatilishini muvofiqlashtirib borish;
- o‘zgalar parvarishiga muhtoj bo‘lgan yolg‘iz keksalarni ijtimoiy va moddiy qo‘llab-quvvatlash, ularning muammolarini o‘rganish hamda manfaatdor davlat organlari va tashkilotlari bilan birgalikda hal etish choralarini ko‘rish;
- fuqarolar yig‘inlarining moddiy-texnika ta’minotini yaxshilash hamda sohaga zamonaviy axborot-kommunikatsiya texnologiyalarini joriy etishga qaratilgan kompleks chora-tadbirlarni amalga oshirish.
- “Obod va xavfsiz mahalla” jamg‘armasi mablag‘larini shakllantirish manbalari va vazirlik tomonidan jamg‘armaga mablag‘lar tushishining to‘liqligini nazorat qilish tartibi;
- jamg‘arma mablag‘laridan foydalanish yo‘nalishlari;
- Mahalla va nuroniylarni qo‘llab-quvvatlash vaziri tomonidan jamg‘arma mablag‘larini boshqarish va taqsimlash tartibi.
Eslatib o‘tamiz, mart oyi boshida prezident farmoniga asosan Oila va xotin-qizlar davlat qo‘mitasi tuzilishi munosabati bilan Mahalla vazirligi nomi o‘zgartirilib, Mahalla va nuroniylarni qo‘llab-quvvatlash vazirligi sifatida qayta tashkil etilgan. O‘shanda Tursinxon Xudoyberganov mahalla vaziri lavozimiga tayinlangan.
Izoh (0)