14-iyundan boshlab Toshkent—Samara va Toshkent—Volgograd yo‘nalishlari bo‘yicha haftasiga bir marta temiryo‘l qatnovi qayta tiklanmoqda. Shuningdek, O‘zbekiston fuqarolarining Rossiyaga temir yo‘l orqali kirishiga qo‘yilgan cheklovlar bekor qilinadi, deb xabar beradi “Dunyo” agentligi.
O‘zbekiston elchixonasi xabariga ko‘ra, 3-iyun kuni Rossiya hududiga yangi koronavirus infeksiyasining olib kirilishi va tarqalishining oldini olish bo‘yicha tezkor shtab yig‘ilishida 2022-yil 14-iyundan boshlab Rossiyaga havo transporti va dengiz yo‘llari orqali kirib kelayotgan xorijlik fuqarolar uchun epidemiologik cheklovlarni bekor qilish to‘g‘risida qaror qabul qilingan.
Shu munosabat bilan Rossiya hukumatining 2020-yil 16 va 27-martlardagi farmoyishlariga tegishli o‘zgartirishlar kiritiladi.
Eslatib o‘tamiz, O‘zbekistonda ilk bor koronavirus aniqlangan 2020-yil 16-martdan boshlab temiryo‘l transporti qatnovlari to‘xtatilgan edi. 2020-yilning 15-avgustidan mahalliy avia va temiryo‘l qatnovlari bosqichma-bosqich tiklangan.
Izoh (0)