14 июндан бошлаб Тошкент—Самара ва Тошкент—Волгоград йўналишлари бўйича ҳафтасига бир марта темир йўл қатнови қайта тикланмоқда. Шунингдек, Ўзбекистон фуқароларининг Россияга темир йўл орқали киришига қўйилган чекловлар бекор қилинади, деб хабар беради «Дунё» агентлиги.
Ўзбекистон элчихонаси хабарига кўра, 3 июнь куни Россия ҳудудига янги коронавирус инфекциясининг олиб кирилиши ва тарқалишининг олдини олиш бўйича тезкор штаб йиғилишида 2022 йил 14 июндан бошлаб Россияга ҳаво транспорти ва денгиз йўллари орқали кириб келаётган хорижлик фуқаролар учун эпидемиологик чекловларни бекор қилиш тўғрисида қарор қабул қилинган.
Шу муносабат билан Россия ҳукуматининг 2020 йил 16 ва 27 мартлардаги фармойишларига тегишли ўзгартиришлар киритилади.
Эслатиб ўтамиз, Ўзбекистонда илк бор коронавирус аниқланган 2020 йил 16 мартдан бошлаб темир йўл транспорти қатновлари тўхтатилган эди. 2020 йилнинг 15 августидан маҳаллий авиа ва темир йўл қатновлари босқичма-босқич тикланган.
Изоҳ (0)