“Pul jigardan bo‘lgan. Yoshlar, iltimos, naqd pul bilan muomala qilinglar” — Jahongir Ortiqxo‘jayev

Humo Arena’da bo‘lib o‘tgan Megatrening—2022 biznes forumida Toshkent shahar hokimi Jahongir Ortiqxo‘jayev yoshlarga maslahat berdi.

“Sizlar naqd pulda ishlanglar. Daromadingiz rasmiy bo‘lsin, lekin naqd pulda. Plastik kartochka puli ko‘payib, pulini ko‘tara olmaydigan odamlar uchun o‘ylab topilgan.

Bozorga yoki birorta do‘konga kirsanglar qo‘lingizda plastik kartochka bo‘lsa, qancha pul ishlatayotganinglarni bilmaysizlar. Lekin naqd pul berayotganinglarda, pul jigardan bo‘lgan. Yoshlar, iltimos, naqd pul bilan muomala qilinglar. Yoshlarga plastik kartochka bilan ishlash zarar . Hamma vaqt naqd bo‘lsin. Pul berayotganinglarda pulingizni sanaysizlar.

Pul sanayotganinglarda chiqish qiyin bo‘ladi. Biror-bir narsani xarid qilayotganinglarda savdolashasizlar. Plastik kartochkani ichiga qancha pul solsangiz, shuncha ketaveradi. Plastik kartochka kuchli olimlarning o‘ylab topgan ixtirosi. Yoshlarga plastik kartochkani tavsiya qilmayman.

Faqat naqd pul bilan ishlanglar. Boyib ketib pul ko‘tara olmaydigan bo‘lib ketganingizdan keyin plastik kartochkaga o‘tasizlar”, — dedi Jahongir Ortiqxo‘jayev