Mart oyidan boshlab rossiyaliklar Visa va MasterCard kartalarini ochish uchun boshqa davlatga borishmoqda.
Talab yuqoriligi sabab Rossiyada hatto “Visa uchun sayohat” nomli turistik xizmatlar yo‘lga qo‘yilgan edi.
May oyigacha rossiyaliklar asosan ikki davlat – O‘zbekiston va Armanistonga sayohat qilgan.
Biroq Armanistonda muxolifat namoyishlari boshlanganidan keyin rossiyaliklar deyarli butun e’tiborini O‘zbekistonga qaratdi. Bu haqda Rossiya Turoperatorlari uyushmasi xabar qildi.
Bunday sayohatlar narxi uning davomiyligi va aviachiptaga qarab farqlanadi. Masalan, Rossiyaning PAC Group kompaniyasi O‘zbekistonga karta ochish uchun ikki kishilik sayohatni ikki kunga 103 ming rublga (taxminan 18,2 mln so‘m) taklif qilmoqda.
Avvalroq Qozog‘iston xorijliklardan STIR olish uchun ariza qabul qilishni to‘xtatgani, bu esa xorijliklar tomonidan plastik karta ochishni cheklashi haqida xabar berilgan.
Izoh (0)