IIV Yo‘l harakati xavfsizligi xizmati haydovchilarga 1-iyungacha qayd etilgan bayonnomalar qanday hisoblanishi bo‘yicha “Daryo”ga tushuntirish berdi.
O‘zbekistonda 1-iyundan budjet tashkilotlari xodimlari ish haqi miqdori 12 foiz miqdorida oshirildi. Unga ko‘ra, eng kam ish haqi miqdori oyiga 920 ming so‘m, bazaviy hisoblash miqdori — 300 ming so‘m etib belgilandi.
“Daryo” tahririyatiga ko‘pchilik haydovchilarga 1-iyungacha qayd etilgan jarimalar qaysi narxda hisoblanishi bo‘yicha savollar kelib tushdi.
“Fuqarolarga shuni ma’lum qilamizki, 31-may kuni ham sodir etilgan huquqbuzarliklar bo‘yicha rasmiylashtirilgan ma’muriy bayonnomalar, avvalgi, belgilangan bazaviy hisoblash miqdorida, ya’ni 270 ming so‘m miqdorida hisoblanadi. 1-iyun sanasidan boshlab sodir etilgan huquqbuzarliklar esa amaldagi hisoblash miqdori, ya’ni 300 ming so‘mdan hisoblanadi”, — deyiladi Yo‘l harakati xavfsizligi xizmati axborotida.
Bundan avval O‘zbekistonda tibbiyot xodimlarining oylik maoshi 15 foizgacha oshirilgani haqida xabar berilgandi.
Izoh (0)