Март ойидан бошлаб россияликлар Visa ва MasterCard карталарини очиш учун бошқа давлатга боришмоқда.
Талаб юқорилиги сабаб Россияда ҳатто «Visa учун саёҳат» номли туристик хизматлар йўлга қўйилган эди.
Май ойигача россияликлар асосан икки давлат – Ўзбекистон ва Арманистонга саёҳат қилган.
Бироқ Арманистонда мухолифат намойишлари бошланганидан кейин россияликлар деярли бутун эътиборини Ўзбекистонга қаратди. Бу ҳақда Россия Туроператорлари уюшмаси хабар қилди.
Бундай саёҳатлар нархи унинг давомийлиги ва авиачиптага қараб фарқланади. Масалан, Россиянинг PАC Group компанияси Ўзбекистонга карта очиш учун икки кишилик саёҳатни икки кунга 103 минг рублга (тахминан 18,2 млн сўм) таклиф қилмоқда.
Аввалроқ Қозоғистон хорижликлардан СТИР олиш учун ариза қабул қилишни тўхтатгани, бу эса хорижликлар томонидан пластик карта очишни чеклаши ҳақида хабар берилган.
Изоҳ (0)