Toshkent viloyati, Bo‘stonliq tumani, Chorbog‘ qo‘rg‘onidagi maishiy-madaniy xizmat ko‘rsatish binolari 32,5 mlrd so‘mga auksionga qo‘yildi. Lot ma’lumotlari “E-auksion” portalida e’lon qilingan.
Lot auksionga “Asakabank”ning muammoli aktivlar bilan ishlash departamenti tomonidan joylashtirilgan. Dam olish maskani 2 qavatdan iborat va qachon qurilgani ma’lum emas.
Yer uchastkasining umumiy maydoni — 0,6 gektar. Binoning maydoni — 1 364 kvadrat metr. Binoda gaz, suv, elektr ta’minoti va kanalizatsiya tizimi mavjud.
Auksionga qo‘yilgan hovlining boshlang‘ich bahosi — 32,5 mlrd so‘m. Arizalar 28-iyun 09:00 ga qadar qabul qilinadi. Savdolar xuddi shu kuni 10:00 da boshlanadi.
Lot izohida yozilishicha, mulk xaridor tomonidan “Asakabank”ga 171 ming yevro miqdoridagi qo‘shimcha majburiyat summasini 3 yildan ortiq bo‘lmagan muddatda to‘lab berish sharti bilan auksion savdolariga chiqarilmoqda.
Avvalroq “Darxon”dagi ikki qavatli binoning bir qismi qariyb 25 mlrd so‘mga auksionga qo‘yilgani haqida xabar berilgan edi.
Izoh (0)