Farg‘ona viloyati Marg‘ilon shahrida qarindoshlar o‘rtasida sodir bo‘lgan janjal oqibatida bir kishi halok bo‘ldi. Bu haqda viloyati IIB axborot xizmati xabar berdi.
Ma’lum qilinishicha, Marg‘ilon shahrining “Yormadoz” mahallasida yashovchi fuqaro qarindoshi bilan qarz oldi-berdi masalasida janjallashib, unga oshxona pichog‘i bilan jarohat yetkazgan. Jabrlanuvchi olgan tan jarohatlari oqibatida voqea joyida vafot etgan.
Marg‘ilon shahar hokimi, shahardagi huquqni muhofaza qiluvchi organlar rahbarlar, mahalla faollari, jinoyatda gumonlanayotgan va jabrlangan shaxsning yaqinlari ishtirokida muhokama yig‘ilishi o‘tkazilgan.
Ta’kidlanishicha, qarindoshlar o‘rtasida sodir etilgan ushbu jinoyatning yuzaga kelishiga qarzdorlik sabab bo‘lgan. Oila boshliqlari beparvo bo‘lib, muammoga vaqtida yechim topmagan.
Avvalroq Farg‘onada fuqaro ikki tanishini pichoqlagani, Farg‘onada mast fuqaro shishadoshini pichoqlab o‘ldirgani, Sirdaryoda uxlab yotgan ayolning tilla taqinchog‘ini o‘g‘irlash uchun uni pichoqlab o‘ldirgan shaxs 20 yilga qamalgani, Toshkentda qaynona uch nafar farzandi bor kelinini pichoqlab o‘ldirgani to‘g‘risida xabar berilgandi.
Izoh (0)