Markaziy bankning iste’molchilarining huquqlarini himoya qilish xizmati mart—aprel oylarida barcha viloyatlarda 24 ta bankning 196 ta muassasasida bank xizmatlari qonunchilikka muvofiq ko‘rsatilishiga doir nazorat tadbirlari o‘tkazdi.
Nazorat tadbirlarida banklar tomonidan iste’molchilar bilan o‘zaro munosabatlarda 500 dan ortiq qoidabuzarlik holatlariga yo‘l qo‘yilgani aniqlangan.
Bular asosan:
- kredit va omonat turlari to‘liq oshkor qilinmagan va ularning shartlari yuzasidan batafsil axborotlar, shuningdek, kredit va muddatli omonatlarning asosiy shartlari to‘g‘risidagi axborot varaqalari taqdim etilmagani;
- bank kartalari orqali to‘lovlarni qabul qilish va bank kartalaridagi mablag‘larni naqdlashtirib berish rad etilgani hamda ushbu xizmatlarni ko‘rsatishda bank kartasini taqdim etuvchiga kartaning “PIN-kod”ini mustaqil terishga imkon yaratib berilmagan holatlarni tashkil etadi.
- “Xalq banki”;
- “Agrobank”;
- “Mikrokreditbank”;
- “Qishloq qurilish bank”;
- “Turonbank”;
- “Ipotekabank”;
- “Savdogarbank”;
- Trast bank;
- “Kapitalbank”;
- “Milliy bank”;
- “Aloqabank”;
- “O‘zsanoatqurilishbank”;
- “Oriyent Finans bank”;
- “Hamkorbank”;
- “Asaka bank”;
- “Universalbank”;
- “Infinbank”;
- “Tenge bank”;
- “Anorbank”;
- Davrbank;
- “Madad Invest bank”;
- “Ravnaq bank bank”.
Shuningdek, qoidabuzarliklar yo‘l qo‘yilishiga sababchi bo‘lgan 195 nafar bank xodimiga nisbatan qonunchilikka muvofiq intizomiy jazo choralari ko‘rilgan.
Shundan 145 nafar bank xodimiga nisbatan xayfsan, 48 nafar xodimiga nisbatan oylik ish haqidan jarima va 2 nafar xodim bilan mehnat shartnomasini bekor qilish choralari qo‘llanilgan.
Murojaatlar o‘rganilganda, banklar va iste’molchilar o‘rtasida nizolar kelib chiqishiga kreditlar to‘g‘risidagi dastlabki axborotlarning o‘z vaqtida to‘g‘ri va to‘liq taqdim etilmasligi ham sabab bo‘layotganini ko‘rsatmoqda.
Misol uchun:
- kredit qarzdorligi belgilangan muddatlarda to‘lanmaganda, muddati o‘tgan kreditga nisbatan yuqori (oshirilgan) foiz stavkada foizlar hisoblanishi ko‘zda tutilgani va natijada qarz oluvchining qarz miqdori oshib ketishi;
- qarz oluvchilar tomonidan kreditlar o‘z vaqtida so‘ndirilmaganda, ushbu kredit bo‘yicha to‘lovlar kafil bo‘lgan shaxslarning hisobvaraqlaridan yechib olinayotgani kabi holatlar.
Izoh (0)