Braziliyada jala quyishi tufayli yuzaga kelgan suv toshqinlari va yer ko‘chishi oqibatida 84 kishi halok bo‘ldi. Bu haqda Pernambuku shtati gubernatori Paulo Kamara matbuot anjumani chog‘ida ma’lum qildi, deb yozadi Anadolu agentligi.
Uning so‘zlariga ko‘ra, bu yakuniy raqamlar emas, 12 ta tumanda qidiruv-qutqaruv ishlari davom etmoqda.
“Dastlabki soatlar eng muhimdir. Biz tezkor va samarali tarzda harakat qilishimiz kerak”, — dedi Kamara.
Gubernator aytishicha, jabrlanuvchilar uchun va yetkazilgan zararni bartaraf etishga 21 million dollar ajratilgan.
Pernambuku shtatida kuchli yomg‘ir bir haftadan buyon davom etmoqda. 14 ta shaharda favqulodda vaziyat e’lon qilingan.
Hukumat 4 ming kishi evakuatsiya qilingani haqida xabar berdi.
Mavzuga doir:
Izoh (0)