Bloomberg milliarderlar indeksiga ko‘ra, eng boy amerikaliklar Ilon Mask (Tesla, SpaceX), Jeff Bezos (Amazon) va Bill Geyts (Microsoft) so‘nggi besh oy ichida 115 mlrd dollar zarar ko‘rgan. Bu haqda Insider xabar berdi.
29-may holatiga ko‘ra Maskning boyligi 224 mlrd dollarga, Bezosniki 139 mlrd dollarga, Geytsniki esa 123 mlrd dollarga baholangan.
Yil boshidan buyon Bezos 53,2 mlrd dollar, Mask 46,4 mlrd dollar va Geyts 15,1 mlrd dollar yo‘qotgan.
Fransiyaning LVMH konglomerati rahbari va dunyoning uchinchi eng boy odami (Mask va Bezosdan keyin) Bernard Arno yanvar oyidan beri 44,7 mlrd dollar yo‘qotdi. Bugungi kunda uning boyligi 133 mlrd dollarga baholanmoqda.
Yil boshidan buyon boyligi ko‘paygan beshtalikdan yagona amerikalik, Berkshire Hathaway bosh direktori Uorren Baffet bo‘ldi – yil boshidan buyon uning boyligi 6,54 mlrd dollarga oshgan.
Oxfam xayriya tashkiloti ma’lumotlariga ko‘ra, hozirda eng yuqori va rekord darajadagi daromadni energetika, oziq-ovqat sanoati va farmatsevtika sanoatidagi korporatsiyalar oladi, bunda, ayniqsa, monopoliyalar ko‘p.
Dunyo milliarderlarining global boyligi hozir jahon yalpi ichki mahsulotining 13,9 foiziga teng bo‘lib, 2000-yildagi 4,4 foizdan uch barobar ko‘pdir, — deyiladi tashkilot hisobotida.Avvalroq dunyodagi eng boy 50 kishi yarim trillion dollardan ko‘proq mablag‘ yo‘qotgani haqida xabar berilgan edi.
Izoh (0)