Ukrainadagi urush Qatar eksportining keskin oshishiga olib keldi

Ukrainadagi urush natijasida Qatarning eksporti keskin oshdi. Bu haqda Bloomberg xabar berdi.

Dunyodagi eng yirik suyultirilgan gaz eksportchisi Qatar Ukrainadagi urush sabab talabning o‘sishidan foyda ko‘rmoqda.

Eksportning umumiy hajmi o‘tgan yilgi 21 mlrd rialga nisbatan 22,5 mlrd rialga oshib, 43,5 mlrd rialni (11,9 mlrd dollar) tashkil etdi. Bu oyda 34,2 mlrd rial savdo balansiga olib keldi.

Yevropa Ukrainadagi urush ortidan qit’aning eng yirik yetkazib beruvchisi bo‘lgan Rossiya gaziga muqobil variant topish uchun kurashmoqda.

Qatar va dunyodagi eng yirik eksportchi AQSHdan suyultirilgan gaz importi buning asosiy yechimidir.

Yevropaning bir qancha yuqori martabali amaldorlari, jumladan, Ittifoqning bosh diplomati Xosep Borrel va Germaniya Iqtisodiyot vaziri Robert Xabek gaz yetkazib berish masalasini muhokama qilish uchun Qatarga borgan.

Aprel oyida Xitoy deyarli 6,6 mlrd rial bilan Qatarning asosiy eksport yo‘nalishi bo‘ldi, undan keyin esa Hindiston va Yaponiya.

Avvalroq Yevropa Rossiya gazini sanksiyalarni buzmasdan sotib olish rejasini ishlab chiqqani haqida xabar berilgan edi.