Бразилияда жала қуйиши туфайли юзага келган сув тошқинлари ва ер кўчиши оқибатида 84 киши ҳалок бўлди. Бу ҳақда Пернамбуку штати губернатори Пауло Камара матбуот анжумани чоғида маълум қилди, деб ёзади Anadolu агентлиги.
Унинг сўзларига кўра, бу якуний рақамлар эмас, 12 та туманда қидирув-қутқарув ишлари давом этмоқда.
«Дастлабки соатлар энг муҳимдир. Биз тезкор ва самарали тарзда ҳаракат қилишимиз керак», — деди Камара.
Губернатор айтишича, жабрланувчилар учун ва етказилган зарарни бартараф этишга 21 миллион доллар ажратилган.
Пернамбуку штатида кучли ёмғир бир ҳафтадан буён давом этмоқда. 14 та шаҳарда фавқулодда вазият эълон қилинган.
Ҳукумат 4 минг киши эвакуация қилингани ҳақида хабар берди.
Изоҳ (0)