Milliarder Uorren Baffetning Berkshire Hathaway kompaniyasi dunyoning eng yirik ochiq kompaniyalari reytingida ilk bor birinchi o‘rinni egalladi. Bu haqda Forbes xabar berdi.
Ro‘yxat birinchiligi 10 yil ichida birinchi marta o‘zgardi. Avval reytingni Xitoy sanoat va tijorat banki boshqarib, hozirda u ikkinchi o‘rinni egallab turibdi.
Uchinchi o‘rin Saudiya Aramco kompaniyasiga nasib etdi, u 11-may kuni Apple’ni ortda qoldirib, dunyoning eng qimmat kompaniyasiga aylangan.
O‘sha kuni uning bozor kapitallashuvi taxminan 2,43 trln dollarni tashkil etgan bo‘lsa, Apple kompaniyasining kapitallashuvi 2,37 trln dollarga tushib ketgan.
Kuchli o‘ntalikka, shuningdek: JPMorgan Chase, China Construction Bank, Amazon, Agricultural Bank of China, Bank of America, Toyota Motor kirdi.
Talabning tiklanishi va neft narxining o‘sishi tufayli neft gigantlari reytingda to‘rtinchi yuzlikdan birinchi o‘ringa ko‘tarildi. ExxonMobil o‘tgan yili 317-o‘rindan 15-o‘ringa, Shell esa 324-o‘rindan 16-o‘ringa ko‘tarildi.
Ikkala kompaniyaning foydasi o‘tgan yilgi yo‘qotishlardan keyin ijobiy tendensiyani ko‘rsatmoqda.
O‘tgan yilgi kabi reyting Rossiyaning 24 ta kompaniyasini o‘z ichiga oladi. Ulardan birinchisi – “Gazprom” 367-o‘rindan 49-o‘ringa ko‘tarildi.
“Rosneft” 81-o‘rinda (2021-yilda 99-o‘rin), Sberbank —115-o‘rinda (2021-yilda 51-o‘rin), “Lukoyl” o‘tgan yilgi 467-o‘rindan 166-o‘ringa, “Novatek” o‘tgan yilgi 530-o‘rindan 412-o‘ringa ko‘tarildi.
Forbes Global 2000 reytingi dunyodagi eng yirik kompaniyalarni to‘rtta ko‘rsatkich bo‘yicha baholaydi: savdo, foyda, aktivlar va kapitallashuv.
Bozorlardagi notinchlik tufayli 2022-yilgi ro‘yxatga kiritish uchun bozor qiymatining minimal chegarasi 2021-yildagi 8,26 mlrd dollardan 7,6 mlrd dollargacha tushirildi, ammo boshqa ko‘rsatkichlar bo‘yicha minimal ko‘rsatkich o‘tgan yilga nisbatan yuqori bo‘ldi.
Umuman olganda, kompaniyalarning 2022-yil reytingidan tushgan daromadi 47,6 trln dollarni, foydasi 5 trln dollarni, aktivlari qiymati 233,7 trln dollarni, kapitallashuvi esa 76,5 trln dollarni tashkil qildi.
Ma’lumotlar 2022-yil 22-aprel holati bo‘yicha hisoblangan.
2022-yilgi ro‘yxatga 58 ta davlat kirgan. Ro‘yxatdagi kompaniyalar soni bo‘yicha yetakchi davlatlar AQSH (590), Xitoy va Gonkong (351), Yaponiya (196) hisoblanadi.
Izoh (0)