Uzbekistan Airways ekspress aviatashuvlarining klassik parvozlardan asosiy farqlari nimada ekanligi haqida ma’lumot berdi.
Klassik loukost-tashuvchilaridan farqli o‘laroq ularning aksariyati oziq-ovqat bilan ta’minlamaydi va bepul bagaj tashish imkoniyati mavjud emas, yanada qulayroq sharoitlar yaratildi.
Uzbekistan Airways Express to‘liq-ekonom aviatashuvlarining klassik aviaqatnovlaridan asosiy farqlari:
- yo‘lovchilar soni – 174 ta, oddiy parvozlarda esa yo‘lovchilar ko‘proq
- biznes-klassning mavjud emasligi, oddiy parvozlarda esa biznes-klass mavjud
- 1 bagaj joy miqdori – 23 kg va 5 kg qo‘l yuki , muntazam qatnovlarida – 32 kg va 8 kg qo‘l yuki
- aviaqatnovlar faqatgina A320 da amalga oshiriladi va oddiy qatnovlarda aviakompaniya parkidagi barcha samolyotlarini ko‘rishingiz mumkin
Ekspress ikki soatdan uzoqroq bo‘lgan qatnovlarida oziq-ovqat ta’minotini saqlab qoldi: sendvich va suv taqdim etiladi. Shu bilan birga, klassik aviaqatnovlarda, 2 soatdan ortiq parvozlarda to‘liq issiq ovqat bilan ta’minlanadi.
Mamlakat aviatsiya tarmog‘ini rivojlantirish doirasida 2021-yilning avgustidan boshlab Uzbekistan Airways gibrid asosidagi parvozlarni amalga oshirishga kirishgan.
Aviakompaniyaning havo kemalari parkida 174 yo‘lovchi o‘rindiqlariga mo‘ljallangan to‘liq iqtisodiy klass tartibida qayta konvertatsiyalangan Airbus A320 samolyotlari foydalanishga topshirilgan.
Bu esa klassik samolyot yo‘nalishlariga nisbatan, biznes klass talabi mavjud bo‘lmagan, o‘rtacha 20 foiz tariflarini kamaytirish imkonini taqdim etgan.
Bugungi kunda aviakompaniya Toshkent va O‘zbekiston hududlaridan Rossiya va Qozog‘iston shaharlari: Moskva, Ufa, Perm, Qozon, Samara, Yekaterinburg, Mineralniye Vodi, Omsk, Sochi, Krasnoyarsk, Irkutsk va Olmaota shaharlariga to‘rtta samolyotda parvozlarni amalga oshiradi.
Izoh (0)