Avvalroq O‘zbekistonda xorijiy kapital ishtirokidagi yangi IT-kompaniyalar soni keskin ko‘paygani haqida xabar berilgandi.
Bular Ukrainada urush boshlanganidan va sanksiyalar kiritilgandan so‘ng boshqa davlatga ko‘chib o‘tishga qaror qilgan Rossiya va Belarus kompaniyalari.
Manzilini O‘zbekistonga o‘zgartirganlar orasida:
- Ravenage Games — kompyuter o‘yinlari nashriyoti. Kompaniya moliyalashtirish bilan ham shug‘ullanadi va o‘tgan yili 20 million dollarlik fond tashkil qildi.
- Outer Space — Made on Earth Games o‘yinlarini ishlab chiqarish studiyasi. Kompaniya hozir 4X mobil strategiyasini ustida ishlamoqda.
- Fusionlabs — loyiha menejerlari va dasturchilarni tayyorlaydigan ProductStar kompaniyasi.
- ForCode — Diglex (matndan ma’lumot olish vositasi) va Robert Robot (texnik yordam xizmatlari uchun sun’iy intellekt) ishlab chiqaruvchisi.
- TopFactor — kompaniya xodimlarning ish faoliyatini boshqarishning avtomatlashtirilgan tizimlarini joriy etish bilan shug‘ullanadi.
- Okay QA — dasturiy ta’minotni sinovdan o‘tkazish va sifat nazorati kompaniyasi.
Kompaniyalarga O‘zbekistonga ko‘chishdan nima foyda?
O‘zbekistonga ko‘chib o‘tish bilan kompaniyalar xalqaro to‘lovlarni qabul qilishlari mumkin bo‘ladi (Rossiyada bu endi muammoga aylangan).
Qolaversa, AQSh va Yevropa mijozlari O‘zbekiston kompaniyalari bilan ishlashga tayyor, Rossiya kompaniyalari bilan esa — yo‘q.
O‘zbekiston, o‘z navbatida, yangi soliq to‘lovchiga va ish o‘rinlarga ega bo‘ladi.
Avvalroq O‘zbekiston qanday qilib barcha IT-mutaxassislar talpinadigan makonga aylana boshlangani haqida xabar berilgan edi.
Izoh (0)