Дунёнинг энг йирик компаниялари рейтинги эълон қилинди

Миллиардер Уоррен Баффетнинг Berkshire Hathaway компанияси дунёнинг энг йирик давлат компаниялари рейтингида илк бор биринчи ўринни эгаллади. Бу ҳақда Forbes хабар берди.

Рўйхат биринчилиги 10 йил ичида биринчи марта ўзгарди. Аввал рейтингни Хитой саноат ва тижорат банки бошқариб, ҳозирда у иккинчи ўринни эгаллаб турибди.

Учинчи ўрин Saudiya Aramco компаниясига насиб этди, у 11 май куни Apple’ни ортда қолдириб, дунёнинг энг қиммат компаниясига айланган.

Ўша куни унинг бозор капиталлашуви тахминан 2,43 трлн долларни ташкил этган бўлса, Apple компаниясининг капиталлашуви 2,37 трлн долларга тушиб кетган.

Кучли ўнталикка, шунингдек: JPMorgan Chase, China Construction Bank, Amazon, Agricultural Bank of China, Bank of America, Toyota Motor кирди.

Талабнинг тикланиши ва нефть нархининг ўсиши туфайли нефть гигантлари рейтингда тўртинчи юзликдан биринчи ўринга кўтарилди. ExxonMobil ўтган йили 317-ўриндан 15-ўринга, Shell эса 324-ўриндан 16-ўринга кўтарилди.

Иккала компаниянинг фойдаси ўтган йилги йўқотишлардан кейин ижобий тенденцияни кўрсатмоқда.

Ўтган йилги каби рейтинг Россиянинг 24 та компаниясини ўз ичига олади. Улардан биринчиси – «Газпром» 367-ўриндан 49-ўринга кўтарилди.

«Роснефть» 81-ўринда (2021 йилда 99-ўрин), Сбербанк —115-ўринда (2021 йилда 51-ўрин), «Лукойл» ўтган йилги 467-ўриндан 166-ўринга, «Новатек» ўтган йилги 530-ўриндан 412-ўринга кўтарилди.

Forbes Global 2000 рейтинги дунёдаги энг йирик компанияларни тўртта кўрсаткич бўйича баҳолайди: савдо, фойда, активлар ва капиталлашув.

Бозорлардаги нотинчлик туфайли 2022 йилги рўйхатга киритиш учун бозор қийматининг минимал чегараси 2021 йилдаги 8,26 млрд доллардан 7,6 млрд долларгача туширилди, аммо бошқа кўрсаткичлар бўйича минимал кўрсаткич ўтган йилга нисбатан юқори бўлди.

Умуман олганда, компанияларнинг 2022 йил рейтингидан тушган даромади 47,6 трлн долларни, фойдаси 5 трлн долларни, активлари қиймати 233,7 трлн долларни, капиталлашуви эса 76,5 трлн долларни ташкил қилди.

Маълумотлар 2022 йил 22 апрель ҳолати бўйича ҳисобланган.

2022 йилги рўйхатга 58 та давлат кирган. Рўйхатдаги компаниялар сони бўйича етакчи давлатлар АҚШ (590), Хитой ва Гонконг (351), Япония (196) ҳисобланади.