Аввалроқ Ўзбекистонда хорижий капитал иштирокидаги янги IT-компаниялар сони кескин кўпайгани ҳақида хабар берилганди.
Булар Украинада уруш бошланганидан ва санкциялар киритилгандан сўнг бошқа давлатга кўчиб ўтишга қарор қилган Россия ва Беларусь компаниялари.
Манзилини Ўзбекистонга ўзгартирганлар орасида:
- Ravenage Games — компьютер ўйинлари нашриёти. Компания молиялаштириш билан ҳам шуғулланади ва ўтган йили 20 миллион долларлик фонд ташкил қилди.
- Outer Space — Made on Earth Games ўйинларини ишлаб чиқариш студияси. Компания ҳозир 4Х мобил стратегиясини устида ишламоқда.
- Fusionlabs — лойиҳа менежерлари ва дастурчиларни тайёрлайдиган ProductStar компанияси.
- ForCode — Diglex (матндан маълумот олиш воситаси) ва Robert Robot (техник ёрдам хизматлари учун сунъий интеллект) ишлаб чиқарувчиси.
- TopFactor — компания ходимларнинг иш фаолиятини бошқаришнинг автоматлаштирилган тизимларини жорий этиш билан шуғулланади.
- Okay QA — дастурий таъминотни синовдан ўтказиш ва сифат назорати компанияси.
Компанияларга Ўзбекистонга кўчишдан нима фойда?
Ўзбекистонга кўчиб ўтиш билан компаниялар халқаро тўловларни қабул қилишлари мумкин бўлади (Россияда бу энди муаммога айланган).
Қолаверса, АҚШ ва Европа мижозлари Ўзбекистон компаниялари билан ишлашга тайёр, Россия компаниялари билан эса — йўқ.
Ўзбекистон, ўз навбатида, янги солиқ тўловчига ва иш ўринларга эга бўлади.
Аввалроқ Ўзбекистон қандай қилиб барча IT-мутахассислар талпинадиган маконга айлана бошлангани ҳақида хабар берилган эди.
Изоҳ (0)