iPod Touch endi ishlab chiqarilmaydi. Bu haqda Apple o‘zining rasmiy veb-saytida “Musiqa davom etadi” sarlavhasi ostida ma’lum qildi.
Kompaniyaning tushuntirishicha, musiqa pleyeriga mustaqil mahsulot sifatidagi ehtiyoj yo‘qolgan. Bunga sabab, uning funksiyalari smartfon va planshetlarning ajralmas qismiga aylanganidir.
Pleyerlar do‘konlardagi zaxiralar tugamaguncha sotuvda qoladi.
Musiqa har doim Apple uchun eng muhim sohalardan biri bo‘lib kelgan. iPod uni butun dunyo bo‘ylab yuz millionlab foydalanuvchilarga yetkazishi nafaqat musiqa sanoatiga ta’sir qilgan, balki musiqani qanday topishimiz, tinglashimiz va baham ko‘rishimizni qayta kashf qilgan. iPod ruhi bugungi kunda ham yashaydi, — dedi Apple kompaniyasining marketing bo‘yicha katta vitse-prezidenti Greg Josviak.
iPod Touch so‘nggi rusumdagi qurilma edi – boshqa modellardan farqli o‘laroq, u brauzer va raqamli kameraga ega bo‘lgan.
Birinchi Touch 2007-yilda taqdim etilgan. iPod’lar bozorda 2001-yildan beri, ya’ni mexanik aylantirish g‘ildiragi bo‘lgan original iPod Classic sotuvga chiqarilgandan beri mavjud. Eng so‘nggi, oltinchi avlodning klassikasi 2014-yilda to‘xtatilgan.
Avvalroq Apple 4-may, chorshanba kuni savdolar yopilganidan beri 220 mlrd dollar yo‘qotgani haqida xabar berilgan edi.
Izoh (0)