Futbol bo‘yicha Yevropa Chempionlar Ligasining yarim final javob bahsida “Vilyarreal” va “Liverpul” jamoalari 3-may, seshanba kuni o‘zaro to‘qnash keldi.
Uchrashuvni ispanlar tezkor gol bilan boshladi: 3-daqiqada Bulaye Dia hisobni ochdi. Birinchi bo‘lim Unai Emeri shogirdlarining kichik ustunligida o‘tdi, tanaffus arafasida Frensis Koklen mezbonlarning ikkinchi golini urdi.
Ikkinchi bo‘limni “qizillar” muvaffaqiyatli o‘tkazdi. 62-daqiqada Fabinyo hisobni qisqartirgan bo‘lsa, 67-daqiqada Luis Dias muvozanatni tikladi. 74-daqiqada Sadio Mane mehmonlarga g‘alaba keltirgan uchinchi golni urdi
Shu tariqa “Liverpul” ikkinchi o‘yinni ham o‘z foydasiga hal qilib, finalga yo‘l oldi. “Enfild”dagi uchrashuvda ha ingliz klubi 2:0 hisobida g‘alaba qozongandi.
“Liverpul” finalda “Real” — “Manchester Siti” qarama-qarshiligi g‘olibi bilan o‘ynaydi.
YChL
Yarim final, javob bahsi
3-may, seshanba
“Vilyarreal” Ispaniya — “Liverpul” Angliya 2:3
Gollar: 1:0 – 3 Dia, 2:0 – 41 Koklen, 2:1 – 62 Fabinyo, 2:2 – 67 Dias, 2:3 – 74 Mane.“Vilyarreal”: Ruli, Foyt, Albiol (Orye, 79), Pau Torres, Estupinyan (Trigeros, 79), Lo Chelso, Koklen (Pedrasa, 68), Kapu, Parexo, Xerar Moreno (Chukvueze, 68), Dia (Pako Alkaser, 80).
“Liverpul”: Alisson, Aleksander-Arnold, van Deyk, Konate, Robertson (Simikas, 80), Tiago Alkantara (Jons, 80), Fabinyo (Milner, 84), Keyta (Henderson, 79), Saloh, Mane, Diogu Jota (Dias, 46).
Ogohlantirishlar: Kapu (63), Aleksander-Arnold (77), Lo Chelso (81), Pau Torres (85).
Chetlatish: Kapu (85).
Dastlabki o‘yin — 0:2.
Izoh (0)