Lionel Messining futbolkasi 427 ming yevroga sotildi, deya xabar qildi Marca nashri.
Hozirda “PSJ” sharafini himoya qilayotgan argentinalik hujumchining “Barselona” safida 500-golini urgan o‘yinda kiygan futbolkasi kimoshdi savdosida 427 680 yevroga xarid qilindi.
Ushbu xaridni futbolkaning yangi egasi “Muqaddas Graallar ichida eng muqaddasi”, — deb izohlagan.
Messi “Barselona” safidagi 500-golini 2017-yil “Santyago Bernabeu”da “Real”ga qarshi o‘yinda (3:2) urgandi. Goldan so‘ng Lionel futbolkasini yechib, uni tribunaga qarata ko‘targandi. Ushbu harakat internetda juda mashhurlikka erishgan va ko‘plab memlarga sabab bo‘lgandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)