Футбол бўйича Европа Чемпионлар Лигасининг ярим финал жавоб баҳсида «Вильярреал» ва «Ливерпуль» жамоалари 3 май, сешанба куни ўзаро тўқнаш келди.
Учрашувни испанлар тезкор гол билан бошлади: 3-дақиқада Булае Диа ҳисобни очди. Биринчи бўлим Унаи Эмери шогирдларининг кичик устунлигида ўтди, танаффус арафасида Френсис Коклен мезбонларнинг иккинчи голини урди.
Иккинчи бўлимни «қизиллар» муваффақиятли ўтказди. 62-дақиқада Фабиньо ҳисобни қисқартирган бўлса, 67-дақиқада Луис Диас мувозанатни тиклади. 74-дақиқада Садио Мане меҳмонларга ғалаба келтирган учинчи голни урди
Шу тариқа «Ливерпуль» иккинчи ўйинни ҳам ўз фойдасига ҳал қилиб, финалга йўл олди. «Энфилд»даги учрашувда ҳа инглиз клуби 2:0 ҳисобида ғалаба қозонганди.
«Ливерпуль» финалда «Реал» — «Манчестер Сити» қарама-қаршилиги ғолиби билан ўйнайди.
ЕЧЛ
Ярим финал, жавоб баҳси
3 май, сешанба
«Вильярреал» Испания — «Ливерпуль» Англия 2:3
Голлар: 1:0 – 3 Диа, 2:0 – 41 Коклен, 2:1 – 62 Фабиньо, 2:2 – 67 Диас, 2:3 – 74 Мане.«Вильярреал»: Рули, Фойт, Альбиоль (Орье, 79), Пау Торрес, Эступиньян (Тригерос, 79), Ло Чельсо, Коклен (Педраса, 68), Капу, Парехо, Херар Морено (Чуквуэзе, 68), Диа (Пако Алькасер, 80).
«Ливерпуль»: Алиссон, Александер-Арнольд, ван Дейк, Конате, Робертсон (Цимикас, 80), Тиаго Алькантара (Жонс, 80), Фабиньо (Милнер, 84), Кейта (Ҳендерсон, 79), Салоҳ, Мане, Диогу Жота (Диас, 46).
Огоҳлантиришлар: Капу (63), Александер-Арнольд (77), Ло Чельсо (81), Пау Торрес (85).
Четлатиш: Капу (85).
Дастлабки ўйин — 0:2.
Изоҳ (0)