Italiyalik murabbiy Karlo Anchelotti “Real”dan so‘ng faoliyatini yakunlashi mumkinligini tan oldi.
Ehtimol, “Real”dagi ushbu bosqichdan so‘ng faoliyatimni yakunlarman. Lekin bu yerda yana 10 yil qolishimni xohlashsa, qolishga tayyorman.Madridning “Real” klubi Ispaniya chempionati 34-turida “Espanyol”ni mag‘lub etib (4:0), muddatidan avval chempionlikni hal qildi. Karlo Anchelotti Yevropaning top-5 ligalarida chempion bo‘lgan tarixdagi ilk murabbiyga aylandi. Anchelotti 2004-yil “Milan” bilan A Seriyada, 2010-yil “Chelsi” bilan APLda, 2013-yil “PSJ” bilan Liga 1 da va 2017-yil “Bavariya” bilan Bundesliga g‘olibligini qo‘lga kiritgandi.Nabiralarim bilan vaqt o‘tkazishni, rafiqam bilan birga ta’tilga chiqishni xohlayman. Kechiktirishga majbur bo‘layotgan ishlarim bor. Umuman bormagan joylarimga borgim keladi. Hech qachon Avstraliyada bo‘lmaganman, Rio-de-Janeyroga bormaganman. Singlimni ham tez-tez yo‘qlab turishni istayman.
Afsuski, barchasini bajarishga imkon yo‘q, shuning uchun faoliyatimni yakunlasam, bu ishlar bilan shug‘ullanaman.
Karlo Anchelotti, “Real” bosh murabbiyi
Izoh (0)